Энгийн шил гэдэг нь барилга, ахуйн болон үйлдвэрлэлийн хэрэгцээнд хамгийн өргөн хэрэглэгддэг, нэмэлт боловсруулалт багатай хавтгай шилийг хэлнэ. Үүнийг техникийн нэршлээр натри-кальцийн (soda-lime) шил гэж нэрлэдэг.

Энгийн хавтгай шилийг үйлдвэрлэхдээ цахиурын өндөр агууламжтай элсийг шатааж эрдэс бодисын хайлмаг болгон хавтгай төмөр зууханд хайлсан цагаан тугалга дээр хэвтээ байдлаар урсган 2 талдаа төгс тэгш, гөлгөр гадаргуу үүсгэдэг технологи ашигладаг ба дэлхийн ихэнх оронд энэ технологиор шил үйлдвэрлэж, ашиглаж байна.

Бүтэц, найрлага:

• Цахиурын исэл (SiO₂) ~70–75 %
• Натрийн исэл (Na₂O) ~12–15 %
• Кальцийн исэл (CaO) ~8–10 %
• Бусад нэмэлтүүд (MgO, Al₂O₃)

Энгийн шилний зарим үзүүлэлтүүд:

1.  Гэрэл нэвтрүүлэлт: ~85–90% /шилний зузаанаас хамаараад/
2.  Гулзайлтын бат бэх: 40–60 МПа
3.  Дулаанд тэсвэрлэх чавдар: 60–80 °C
4.  Шугаман тэлэлт: (8–9) × 10⁻⁶ /°C
5.  Зузаан: өргөн хэрэглээнд 4-12 мм /2-25 мм хүртэлх хэмжээтэй үйлдвэрлэгддэг/

Хэрэглээ:

Хагарахдаа хурц ирмэгтэй, том хэлтэрхий болдог, цохилт, дулааны огцом өөрчлөлтөд тэсвэр муутай ч үнийн хувьд хямд тул барилгын зориулалт, ашиглалтаас хамааран цонхны шил, дотор хаалга буюу бага ачаалалтай орчинд, шилэн тавиур гэх мэтэд тохируулан хамгийн өргөн хүрээнд ашиглагддаг.