Гэрэл нэвтрүүлэлтийг бууруулахгүйгээр нэвт харагдах байдлыг багасгаж, хээнээс хамааран дүрсэнд нөлөө үзүүлдэг онцлогтой шилийг хээтэй шил гэнэ. Үйлдвэрлэлийн явцад 1500°С хүртэлх дулааны боловсруулалтад орж хайлмал байдалд орсон шилийг хээтэй ролькоор нэвтрүүлэн гаргаж авдаг.

Хэрэглээ:

Шинж чанараас хамааран дараах байдлаар хэрэглэж болно.

• Нууцлал – Хээнээс хамааран ариун цэврийн өрөө, оффис, албан тасалгааны тусгаарлагч хана, шүршүүрийн хаалт, худалдааны төв, олон нийтийн барилга, эмнэлэг гэх мэт нууцлал шаардсан барилгад ашиглаж болно.
• Гэрэл нэвтрүүлэлт – Нэвт харагдах байдлыг багасгах боловч гэрлийг бүрэн хаахгүй тул шатны хонгил, өрөө тасалгаа буюу орчны хуваалт зэргээр ашиглах боломжтой.
• Загварын олон сонголттой – Нарийн шугаман, долгионт, геометр хээ гэх мэт олон төрөл байх бөгөөд хээнээс хамааран нууцлал, нэвт харагдах байдал өөр өөр байдаг.
• Тогтвор сайтай – хэлбэрээ алдаж, температурын өөрчлөлтөд тэсвэртэй, механик нөлөөнд жигд хариу үзүүлдэг, гадаргуугийн бүрхүүл, хээ, өнгө өөрчлөгдөхгүй.