Өнгөт толь гэдэг нь суурь шил, эсвэл толины ойлгогч давхарга нь төрөл бүрийн өнгөтэй, энгийн тольтой харьцуулахад дүрсийг ойлгох чадвар нь ижил боловч өнгөний туяа орсон байдгаараа ялгаатай.

Үйлдвэрлэлийн 3 аргатай.

1.  Өнгөт шилний нэг талд мөнгөн бүрхүүл үүсгэх

Энгийн толь үйлдвэрлэх дараалалтай ижил процесстой, сууринд өнгийн шил ашигласнаар өөрөөсөө өнгөтэй толийг гаргаж авдаг хамгийн өргөн хэрэглээтэй арга.  

Хэрэглээ:

• Өнгө нь шилнээсээ учир жигд бөгөөд гандахгүй, чийгт тэсвэртэй, гандахгүй интерьерийг онцгой харагдуулдаг.
• Гэрэлт шингээлт энгийн тольтой адил, дүрс ойлголт тогтвортой тул архитектурын интерьер, оффис, орон сууцны дизайнд олон төрлөөр ашиглах боломжтой.

2.  Энгийн толинд өнгөт бүрхүүл үүсгэх

Энгийн толины арыг органик эсвэл керамик будгаар, полиуретан лакаар шүрших юм уу будаж хатаалт хийснээр гаргаж авдаг. Өнгөний хувьд гадаргуу дээрээ тул эдэлгээний хугацаа бага, декор чимэглэл байдлаар ашиглах нь их.

Хэрэглээ:

• Өнгө нь гадаргуу дээрээ байрлах тул тод боловч хими, механик үйлчлэлд гадаргуугийн будаг гэмтэх, органик будаг нь ус чийгт мэдрэмтгий зэрэг сул талтай ч хана, шүүгээ, тавилгад ашиглах боломжтой, интерьерт декор, чимэглэл хэлбэрээр өргөн хэрэглэгддэг.

3.  Вакум бүрхүүлтэй өнгөт толь

Орчин үеийн өндөр технологийн арга бөгөөд түүнийгээ дагаад өртөг өндөр. TiO₂  Cr₂O₃  TiN ислүүдээр вакум бүрхүүл үүсгэх ба тэдгээрийн зузаанаас шалтгаалан алтлаг, цэнхэр, саарал зэрэг өнгийг үүсгэдэг.

Хэрэглээ:

• Технологиосоо шалтгаалан үнийн хувьд өндөр боловч өнгө маш жигд гардаг, гадаргуу нь гялгар, зэврэлт, элэгдэлд тэсвэртэй тул дээд зэрэглэлийн, тансаг брэнд дэлгүүр, интерьерийн шийдэл, архитектурын фасад зэрэгт ашиглахад тохиромжтой байдаг.