Хуучруулсан толь гэдэг нь толины гадаргууг гоёлын зориулалтаар элэгдсэн, зэврэлт, толботой, өнгөө алдсан мэт харагдуулж боловсруулсан толь юм.

Дараах үндсэн 3 аргаар үйлдвэрлэнэ.

1. Химийн арга буюу арын мөнгөн давхаргыг исэлдүүлэгч, хүчиллэг уусмалаар хэсэгчлэн задлах,
2. Механик арга буюу хар, хүрэн, алтлаг, зэс мэт өнгийн будгаар будаж түүн дээрээ зурах, хэсэгчлэн үрж арилгах,
3. Вакум бүрхүүл үүсгэж, лазер химийн эффект оруулах замаар үйлдвэрлэдэг. Энэ нь өндөр үнээр хийгдэх ч нэг дизайныг олон тоогоор үйлдвэрлэх боломжтой, гар ажиллагаа    бага тул хугацаа хэмнэдэг.

Хуучруулсан толины үзүүлэлтүүд:

1. Гэрэл ойлголт энгийн толиноос бага буюу 60–85%, зөөлөн тусгалтай
2. Гадаргуугийн байдал: Жигд бус толбо, хээтэй, элэгдсэн, хуучин мэт эффекттэй
3. Зузаан: Ихэвчлэн 4–6 мм байдаг ч, интерьерийн зориулалтаар 8 мм хүртэл байж болно.
4. Бат бөх чанар: Энгийн тольтой ижил ба хатжуулсан шилийг мөн ашиглах боломжтой.
5. Чийг тэсвэрлэх: Дунд зэрэг ба чийг ихтэй орчинд хамгаалалтын бүрхүүл шаардлагатай
6. Өнгөний төрөл: Үйлдвэрлэлийн аргаас хамааран саарал, хүрэн, алтлаг, хар бараан гэх мэт сонгодог өнгө аястай
7. Зориулалт: Гоёл чимэглэлийн, интерьер дизайн (хана, хаалга, тавилга)
8. Арчилгаа: Хүчтэй химийн бодис хэрэглэж болохгүй.

Хэрэглээ:

• Интерьер дизайн (кафе, ресторан, зочид буудал)
• Сонгодог хэв маягийн өрөө, шилэн хана, хаалга, тавилга, гоёл чимэглэлийн толь