Шилэн Хийц ХХК нь дэлхийд хуванцар вакуум цонх хаалганы материал үйлдвэрлэлээр тэргүүлэгч Германы Коммерлинг брэндийн албан ёсны үйлдвэрлэгчээр шалгарлаа.

Герман улсын мэргэжилтэн ноён Питер Шварц Шилэн Хийц ХХК-ийн охин компани болох KWD – ийн вакуум цонх хаалганы үйлдвэр дээр бүтэн сарын турш мэргэжлийн зөвлөгөө өгч, барилгын дулаан алдагдлыг цонхны шилийг сайжруулан бууруулах, шилэн фасад, шилний дулаан алдагдлыг хэрхэн багасгах талаар сургалт явууллаа.

Тусгай элсийг шил рүү шүрших замаар шилийг цантай, сүүн гэж бидний нэрлэдэг мааттай шилийг гаргаж авна.Нэгэнт маатлагдсан шил дахиж арилахгүй бөгөөлд маат ашиглан үг үсэг дүрс шивж болно.

Шилийг давхарлаж завсар хооронд уян хатан пластик бодис PVB-ийг нимгэхэн хавчуулснаар шил хагарахдаа энэхүү бодис дээр тогтож орчноо гэмтээдэггүй.

Шилийг 800-900 градусын өндөр хэмд уяраасны дараа огцом хөргөснөөр шилний бат бэх даруй 4-5 дахин нэмэгдэж улмаар уяраах үеийн дулааны энерги шилний дотоод бүтцэд шингэж үлдсэнээр дулаан тусгаарлах чадвар нь эрс нэмэгддэг.

Шилийг давхарлаж хоорондын зайг тусгай хий буюу чийгийг нь авсан агаараар дүүргэж ирмэгүүдийг давхар лацдаж битүүлснээр дулаан алдагдлыг маш сайн бууруулдаг , цан цохидоггүй шилийг гаргаж авна.

Шил нь силикатын нэг төрөл бөгөөд химийн бүрэлдэхүүний хувьд цахиурын исэл ба бусад янз бүрийн металлын оксидуудын нэгдэлүүдээс тогтсон материал байдаг. Шил гэдэг нь аморф бүтэцтэй хатуу, тунгалаг, хэврэг бие юм.

Энэ төрлийн шил нь гаднаас ирэх нарны хэт ягаан туяаг маш сайн шүүж өрөө хэт халах, тавилга хөшиг гандахаас сэргийлдэг.