Шил үйлдвэрлэх явцад тасралтгүй цутгаж байгаа хайлмал шилэнд огтлолцлын цэг бүрээр гагнаатай ган тор суулгаж, хөргөх замаар үйлдвэрлэсэн шилийг арматурчилсан шил гэнэ.

Уг шилний гадаргуу хээтэй гөлгөр бус эсвэл өнгөлсөн гөлгөр  байж болно. Үйлдвэрлэлийн явцад хээтэй болгосноор дүрсийг сарниулж нууцлалтай орчин бүрдүүлэх бөгөөд интерьерийн шийдэлд олон янзаар ашиглах боломжтой. Хатжуулах боломжгүй ч хагарч, бутарсан тохиолдолд арматур нь шилийг унагалгүй барьж байх зориулалттай буюу нэг төрлийн аюулгүй байдлын зорилготой. 

Хэрэглээ:

• Галд тэсвэртэй тул галын аюулгүйн хаалтад тохиромжтой.
• Үйлдвэр, агуулах, сургууль, цэцэрлэг, аваарын шат зэрэгт ашиглахад тохиромжтой.
• Архитектурын шийдэл, интерьерийн загварт онцгой байдлаар тусгаж ашиглах, хатжуулахаас бусад өнгөтэй, хээтэй, маталттай, цайртай, мааталж бүдгэрүүлсэн гэх мэт олон төрлөөр боловсруулах боломжтой.
• Цохилтод тэсвэр муутай ч галд тэсвэртэй, хагарахдаа арматуртаа баригдах учир салж унах аюул багатай нь энгийн шилнээс ялгарах гол шинж чанар болдог. Үүнийг харгалзан энгийн шил ашиглах боломжтой шийдэлд аюулгүй байдал талаасаа илүү тохиромжтой, зөв сонголт болно.