“Шилэн Хийц” ХХК нь “Барилгын цонх, хаалганы техник хяналтын байгууллага”-ыг 2023 онд үүсгэн байгуулж, өнөөдрийг хүртэл тогтвортой үйл ажиллагаа явуулж байгаа бөгөөд энэ нь шил, шилэн хийц, цонх, хаалга, хаалт, шилэн багц болон хатжуулсан шилний чанарт хяналт тавих үйл ажиллагаа эрхэлдэг байгууллага юм. 

Үндэсний болон олон улсын хэмжээнд хүчин төгөлдөр мөрдөгдөж буй стандарт, норм дүрмийг баримтлан барилгын цонх, хаалганы техникийн хяналтын ажлыг гүйцэтгэх бөгөөд баталгаажсан тоног төхөөрөмж, багаж хэрэгслийг ашиглаж орчин үеийн жишигт нийцсэн техникийн хяналтын байгууллага ажиллаж байна.

• Шилэн хийц эдлэлийг эрдэм шинжилгээ, судалгааны ажлын үр дүнд тулгуурлаж, норм дүрэм, стандартыг боловсронгуй болгох; 
• Цонх, хаалганы хяналтын тайланг үйлдвэрлэгч, үйлчлүүлэгчдийн тохирлын үнэлгээ, тусгай зөвшөөрлийн суурь үнэлэмж болгох;
• Баригдсан барилга байгууламжийн цонх, хаалга стандартад нийцэж буй эсэхэд техникийн хяналт хийж, үнэлэлт дүгнэлт олгох; 
• Хэрэглэгчийн цонх, хаалгатай холбоотой гомдол маргааныг шийдвэрлэхэд техникийн хяналт хийж, мэргэжлийн үнэлгээ, дүгнэлт, зөвлөмж өгөх.