2020 онд “Шилэн Хийц” ХХК 100 айлд байрлах 2 дахь салбартаа лабораторийн байрыг шинээр барьж ашиглалтад оруулсан. Тус компанийн үйлдвэрлэлийн бүтээгдэхүүн болох цонх, хаалга болон шилэн багц, холбогдох түүхий эд материалын чанарыг тогтоох, цаашлаад дотоодын нийт бүтээгдэхүүний чанарын үзүүлэлтийг тодорхойлон, үйлдвэрлэгч, үйлчлүүлэгчдэд баталгаажсан үр дүнг хүлээлгэн өгөх зорилготой.

2021 онд Сорилт туршилтын лабораторийн тоног төхөөрөмжийн сонголт хийж худалдан авч, оруулж ирлээ.

2023 онд Ковидын нөхцөл байдлаас шалтгаалан удаашралтай байсан гэрээний заалтууд хэрэгжиж, тоног төхөөрөмжөө суурилуулан, угсарч, хэмжилт тохируулгыг үйлдвэрлэгч компанийн мэргэжилтнүүдтэй хамтран хийж гүйцэтгэв.

2023 оны 4-р сарын 21–нд үйлдвэрлэгч талын инженерүүдийн хамтаар эхний туршилт болох “Дулаан дамжуулалтын эсэргүүцэл”-ийн туршилт хийгдсэн.

2023 оны 5-р сарын 17-нд Барилгын инженерүүдийн холбоотой хамтран барилгын шил, шилэн фасад, цонх, хаалга үйлдвэрлэгчдийг хамруулсан “Барилгын шилэн фасадын стандарт ба технологи” сэдэвт сургалт явуулсан.

2023 оны 10 сарын 09-нд “Барилга архитектур корпораци” ХХК болон “Барилгын хөгжлийн үндэсний нэгдсэн төв”-ийн Бүтээгдэхүүн баталгаажуулалтын алба, “Монголын барилгын материал үйлдвэрлэгчдийн нэгдсэн холбоо”-ны гишүүдийг хамарсан уулзалт, хэлэлцүүлэг зохион байгуулсан.

2023 оны 11 сард 03-нд Хотын стандарт хяналтын газартай барилга байгууламжийн чанар, хөдөлмөрийн аюулгүй байдал, эрүүл ахуй аяны хүрээнд нийслэлийн хэмжээнд барилга угсралтын чиглэлээр үйл ажиллагаа явуулж байгаа ажил олгогч, ажилтнуудад зориулсан “Барилга байгууламжийн чанар, аюулгүй байдал” сэдэвт сургалтыг зохион байгуулсан.

2023 оны 12 сарын 08-ны өдөр “Барилгын хөгжлийн төв”-ийн Баталгаажуулалтын албатай уулзалт, хэлэлцүүлэг зохион байгуулж ажилласан.

2023 оны Барилга.мн сэтгүүлийн 12 сарын дугаарт танилцуулга оруулсан.

2025.04.23-ны өдөр Орос улсын 25 жилийн түүхтэй “Proplex” компани болон Монгол дахь суурин төлөөлөгчийн хамт зохион байгуулсан семинарт оролцсон.

2025.06.08-нд Дэлхийн итгэмжлэлийн өдрийг тохиолдуулан “Үндэсний итгэмжлэлийн төв”-өөс зохион байгуулсан нээлттэй өдөрлөгт оролцож, хагас жил тутмын сэтгүүлийн анхны дугаарт Техникийн хяналтын байгууллагын үйл ажиллагааны талаар танилцуулгыг бэлтгэн, оролцсон.